قصيده اعجبتني ومن اروع وأجمل القصائد في الحب.
اتمنى ان تحوز على رضاكم.
هذه القصة في عصرنا الحاضر وليست من قصص التراث
يقال إنها قصة حقيقية حدثت في السعوديه - الزلفي لرجل تزوج إمرأة فهام بحبها
ولكن كان بعد الإجتماع فراق ولكل حكاية نهاية والنهاية
كانت أبغض الحلال وهو الطلاق وسببه مشاكل أم الزوج التي أجبرته أن يطلق زوجته ويقال والله أعلم سحر أو عين ...
وشاء الله أن تجمعهم الصدفة في عيادة أسنان مستوصف القمة
فكانت القصيدة وكانت الأبيات.
وقائلها هو الشاعر علي بن سليمان الحميدي ...
صادفتها صدفه بمستوصف القمـــــه ** بالعين راعيتها لحظه وترعانـــي
شميت انا عطرها ويابخت من شمـه ** يدوخ ويسكر ولو ماهو بشرباني
قمت اتذكر زمان فات والمـــــــــــه ** لاعاده الله نصيب يوم ودانــــــي
هلت دموع العيون ولابقى همــــــه ** من ماجرا لي نسيت آلام الاسناني
معها اخوها رفع كفه على فمـــــــه ** كنه يقول الله الستار ياقانـــــــــي
نفس الملامح ويشبه دمها دمــــــــه ** سبحان رب خلقهم دعج الاعياني
يدري بحبي وتدري امه وعمـــــــه ** حال القدر بيننا والحب سلطانـــي
يبكي ويمسح دموع عيونه بكمــــه ** يبكي على شانها ويبكي على شاني
والله يالولا الحيا والدين لاضمـــه ** واسمعه شهقه من قلب شفقانــــــــي
والحب بلوى ومنه الناس مهتمـــه ** وش حيلتي والغضي دمي وشرياني
جسمي يروح ويجي والقلب من يمه ** القلب عنده يبيه ولايبي ثانـــــــــي
اقسم بربي وانا لي مذهب وذمـــــه ** لاعيش احبه ولو حبه علي جاني
شربت كاس الهوى ورويت من سمه ** مامت ورتحت ولاهو بللي احياني
اضحك مع الناس والاحزان منضمه ** كني سعيد وانا مبلي بالاحزانـــي
عندي وصيه وتالي الهرج يايمــــه ** الموت حق على القاصي مع الداني
وان صرت فوق النعش والناس ملتمه ** مرو على بيتها وتشوف جثماني
قول لها الموت زم صويحبك زمــه ** مامات حبك ولو هو بالنعش فانـــي
شلناه الى المقبره وادعي له القمـــه ** خوذي ثوابه وجوده له بالاحساني
يالله يالمقتدر ياكاشف الغمــــــــــه ** تفرج لمن حالته دوم بنقصانــــــــي
وسلامتكم
صادفتها صدفه بمستوصف ... من أقوى قصائد الحب ...
العرض العادي
